Prins Merijn met links zijn prinses Kimberley en adjudant Sven met rechts zijn prinses Maud
Proclamatie 2024 - 2025
Ik, Prins Merijn, grenswachter van de Holterhook, brute kracht van de Driehoek in Grolle, altied drok met prutsen, knooien en gekkigheid en samenwonend met de alderleukste politieagente van Oost-Nederland, prinses Kimberley, wil jullie geerne veurstellen an mien adjudant.
Ik, Adjudant Sven, Rekkense rakker, productieleider bi’j Emergo en altied enthousiast gengs met van alles en nog wat. Van voetbal tot trompetter, van bloemencorso tot brommercross en getrouwd met de alderleefste, prinses Maud.
Wi’j, ut 51e prinsenpoar van C.V. Bacchus en oonze prinsessen, hebt der gruwelijk zin an om der saamn met jullie un bruut mooi carnavalsjoar van te maakn en wi’j wilt jullie geerne ut volgende loatn wettn:
Ten eerste:
As overbuurn van Grenszicht hebt wi’j sloapeloze nacht’n.
Is ut neet een brulfte of un ander feest.
Dan ist der wal een van ut eigen elftal,
Of een catering busje dat kump langs gesjeesd.
Ten tweede:
Ik bun al heel wat optocht’n gewend.
Van bloemencorso tot trompetter bi’j Crescendo in vol ornoat.
Moar dit joar goa ik wat ni’js metmaak’n,
Want ut is de verlichte carnavalsoptocht woar wi’j volle bak veur goat.
Ten derde:
Het 1e weekend van Januari ist zowiet.
De steek geet of en de knop geet um.
Zelfs midd’n in de drokke Carnavalstied,
doot wi’j met, met de Beltrumse survivalrun.
Ten vierde:
Één van oonse zusterverenigingen besteet heute 44 joar.
En dat is natuulk een heelen mijlpoal.
Un groot jubileumfeest int Spieker en un bijzonder Prinsenpoar.
cv de Hookers regelt ut allemoal.
Ten vijfde:
Knooien en prutjen is oons lust en oons leav’n.
Wi’j bunt der altied wal met an de gang.
Want thuus op de bank zit’n kunt wi’j beide aait moar eaven.
En doarnoa is ut direct weer deran met de katjang.
Ten zesde:
Ok dit joar goaw met de kroegentocht weer langs de Eibargse horeca.
En doar zuw wederom een aantal ni’je gezichten zeen.
Het zal oons neet völle uutmaak’n.
Want ok bi’j disse ni’je uutbaters, nemt wi’j der gezellig een.
Ten zevende:
Grös pölle groot of klein.
Adjudant Sven mek ze met un goeien trap in de groond wal weer klein.
Want beide doot wi’j an voetbal bi’j Sportclub Rekken.
Neet int ut zelfde elftal, moar dat kan oonse band neet brekken.
Ten achtste:
Met un agente as prinses derbi’j bunt wi’j dit joar echt wal veilig.
Now moar hopen dat ze neet op de streepn geet stoan.
En met iemand uut het Speciaal Onderwijs as andere prinses.
Kunt wi’j elke keer weer slimmer noar huus hen goan.
Ten negende:
Met dissen Rekkense Young Potential an mien zij, kan mie weinig gebeurn.
Wat een eer mot dit wean veur mien adjudant.
As ik der ff un keer deurhen zol zitt’n, dan kan hi’j mi’j wel weer opfleurn.
He’j wot zo langzaaman bekend in stad en land.
Ten tiende:
De Huve is nu definitief neet meer, het was now echt neet meer te redden.
Wat natuurlijk eeuwig zunde is, menigeen hef doar uren lang deur ebracht.
Misschien dut de Gemeente Berkelland ut wel vol zet’n met bedd’n.
En meent ze zo dat ut huuzen probleem wat wot terug ebracht.
Ten elfde:
Wi’j sluut traditioneel of met oonse leus:
